पढ्न अल्छी लाग्नेहरु नपढेर एमसीसीको विरोध गरे : प्रधानमन्त्री
प्रधानमन्त्री केपी शर्मा ओलीले विकास विरोधीहरुले अमेरिकी सहयोग निकाय मिलेनियम च्यालेन्ज कर्पोरेसन एमसीसी सम्झौताको पढ्दै नपढी विरोध गरेको बताएका छन् ।
राष्ट्रियसभाको बैठकमा प्रधानमन्त्री ओलीले पढ्दै नपढी अमेरिकी सेना नेपालमा आउने भनेर हल्ला चलाइएको बताए ।
‘पढ्न अल्छी लाग्नेहरु नपढेर एमसीसीको विरोध गरेर छन्,एमसीसी सम्झौता खोजेर पढे हुन्छ, नबढेर हल्ला गर्नेले मात्र गलत हल्ला चलाए,’प्रधानमन्त्री ओलीले भने ।
प्रधानमन्त्रीले एमसीसी सडक र सदनको विषय बनेको भन्दै सबैले पढेर मात्रै धारणा राख्न उनले सुझाव दिए ।
उनले भने, कि यस देशमा विकास हुन आँट्यो भन्ने चिन्ताले एमसीसीको विरोध भएको छ,देशको विकासको लागि अनुदान आयो भन्ने चिन्ता हो,’प्रधानमन्त्री ओलीले भने ।
एमसीसी सम्झौता प्रतिनिधिसभामा बिचाराधिन रहेको छ । नेपाल कम्युनिष्ट पार्टीभित्र नै एमसीसीको विषयमा ठूलो विवाद रहेको छ ।
प्रधानमन्त्री ओली सम्झौता प्रतिनिधिसभाबाट अनुमोदन गर्ने पक्षमा रहेका छन् भने अन्य पक्ष अनुमोदन नगर्ने पक्षमा रहेका छन् ।
