नेपाल-भारत सम्बन्ध संसारको कुनै पनि तागतले तोड्न सक्दैन : भारतका रक्षामन्त्री राजनाथ सिंह (भिडियोसहित)
भारतका रक्षामन्त्री राजनाथ सिंहले नेपाल र भारतबीचको सम्बन्ध सामान्य नभएको बताएका छन्।
नेपाल र भारत रोटी–बेटीको सम्बन्धमा सँगै जोडिएको भन्दै उनले संसारको कुनै पनि तागतले पनि तोड्न नसक्ने बताएका छन्।
उनले एक भर्चुअल र्यालीमा सो कुरा बताएको भारतको सरकारी समाचार एजेन्सी प्रेस ट्रष्ट अफ इन्डिया (पीटीआई) सोमबार जनाएको छ।
उनले लिपुलेकबाट सडक बनाएका कारण नेपालका जनतामा कुनै गलत सन्देश गएको भए त्यसलाई आपसी छलफलबाट सुल्झाउने सकिने बताएका छन्।
आफूले पशुपतिनाथलाई कहिल्यै बिर्सन नसक्ने उनले बताएका छन्।
भारतले नेपाली भूमि लिम्पियाधुरा, लिपुलेक र कालापानी समेत समेटेर गतवर्ष नयाँ नक्सा जारी गरेपछि नेपालले त्यसप्रति आपत्ति जनाउँदा जनाउँदै पनि राजनाथ सिंहले लिपुलेक हुँदै भारतको चीन जोड्ने सडक उद्घाटन गरेपछि नेपाल र भारत सम्बन्धमा विवाद बढेको छ।
अहिले नेपालले पनि लिम्पियाधुरा सहितको नक्सा जारी गरेपछि भारतले त्यसप्रति विरोध जनाएको छ।
सिंहले सो भाषणका क्रममा नेपाल र भारतबीचको सम्बन्धको महत्वबारे व्याख्या गरेका छन् र सो भिडियो उनले आफ्नो ट्विटर खाताबाट सार्वजनिक गरेका छन्।
बाबा पशुपतिनाथ को हम कैसे भूल सकते हैं।बाबा पशुपतिनाथ हों या चाहे हमारे भारत में काशी विश्वनाथ, सोमनाथ इन सबको अमरनाथ से अलग कोई कैसे कर सकता है?
यह सम्बन्ध तो इस लोक का नही है बल्कि मैं यह मानता हूं कि यह संबंध दूसरे लोक का है, जो चाह कर भी कोई इसे बदल नहीं सकता है। pic.twitter.com/cz9B9V1XMH
— Rajnath Singh (@rajnathsingh) June 15, 2020
