जोर बिजोर प्रणाली भोलीदेखि प्रभावकारी रुपमा कार्यान्वयन गरिने
भोली (सोमबार) देखि सरकारले जोर बिजोर प्रणाली अनुसार स्तहः स्फूर्त रुपमा सवारी चल्न दिने भएको छ ।
असार १ गतेदेखि चारपांग्रे निजी सवारी साधन र मोटरसाइकल (स्कुटर) र मोपेडसहितमा जोरबिजोर प्रणाली लागू हुने भएको छ ।
यसअघि मोटरसाइकलमा जोरबिजोर लागू हुने कि नहुने भन्नेमा अन्योलता रहेपछि गृह मन्त्रालयले यसबारे स्पष्ट गर्दै जोर–बिजोर प्रणाली लागू गर्न मातहतका निकायलाई निर्देशन दिएको छ ।
गृह मन्त्रालयका एक उच्च अधिकारीले मोटरसाइकलमा पनि जोरबिजोर प्रणाली लागू हुने गरी निर्णय भएको बताएका छन ।
सरकारको निर्णयअनुसार चारपांग्रे निजी सवारीसाधनको हकमा चालकसहित थप दुई जना र मोटरसाइकलमा एक जना चालकमात्रै यात्रा गर्न पाउनेछन ।
जोर विजोर प्रणालीमा जोर गतेका दिन जोर नम्बर र विजोर गतेका दिन विजोर नम्बरका निजी सवारी साधन चलाउन पाइने छ ।
