सभामुखले आफूलाई बोल्न नदिएको भन्दै संसदबाट बाहिरिइन् सरिता गिरी [भिडियो]
जसपा बन्ने क्रममा रहेको समाजवादी पार्टीकी सांसद सरिता गिरी संसद बैठकबाट बाहिरिएकी छन् । सभामुखले आफूलाई बोल्न नदिएको भन्दै उनी संसद बैठकबाट बाहिरिएकी हुन् ।
सांसद गिरीको संशोधन प्रस्ताव प्रतिनिधिसभा नियमावली, २०७५ को नियम ११२ मा उल्लेखित शर्त विपरीत रहेको भन्दै सभामुख अग्निप्रसाद सापकोटाले अस्वीकार गरेका थिए ।
संविधान संशोधन गरेर कालापानी, लिपुलेक र लिम्पियाधुरा समेटिएको नेपालको नक्सा संविधानको अनुसूची ३ अनुसारको निसान छापमा राख्न नहुने संशोधन प्रस्ताव संघीय संसद सचिवालयमा दर्ता गराएकी उनले आफूले संसदमा सुरुमा बोल्न पाउनुपर्ने माग गरेकी थिइन् ।
सभामुखले बोल्न नदिएको र सरकारले तथ्य तथा प्रमाणमा आधारित भएर नक्सा जारी नगरेको सांसद गिरीको आरोप थियो ।
उनले सरकारले पछिल्लो समय नेपाल-भारत सीमा सम्बन्धि प्रमाण जुटाउन समिति गठन गरेको विषयलाई उल्लेख गर्दै नेपालसँग प्रमाण नभएको बताएकी हुन् ।
भिडियो :
