मोटरसाइकलमा अब एक जना मात्र चढ्न पाइने, सार्वजनिक गाडी तत्काल नचल्ने
सरकारले लकडाउनलाई केही खुकुलो बनाउँदै मोटरसाइकल चलाउन दिने भएको छ ।
हालै बसेको मन्त्रिपरिषद बैठकले मोटरसाइकलमा चालकले मात्र यात्रा गर्न पाउने निर्णय गरेको हो । यसबारे सरकारका प्रवक्ता डा. युवराज खतिवडाले पत्रकार सम्मेलनमार्फत जानकारी दिए ।
अब मोटरसाइकलमा एक जना भन्दा बढि चढ्न पाइने छैन ।
त्यस्तै सबै प्रकारका पैदल आवागमन, साइकल र मोटरसाइकल चल्न दिने निर्णय पनि मन्त्रिपरिषद बैठकले गरेको छ ।
त्यस्तै सबै प्रकारका ढुवानी पनि खुला गरिएको छ । यो व्यवस्था बिहीबारदेखि नै लागू हुनेछ ।
यस्तै तत्काल सार्वजनिक गाडी भने चल्ने छैनन ।
