नेपालमा कोरोना संक्रमण तिब्र गतिमा फैलिदैँ, आज २५० जना संक्रमित थपिए
नेपालमा पछिल्लो समयमा कोरोना भाइरस तिब्रगतिमा फैलिरहेको अवस्थामा गएको २४ घण्टा भित्रमा थप २ सय ५० जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयले संक्रमित थपिएको जानकारी दिएको छ । मन्त्रालयका प्रवक्ता डा. जागेश्वर गौतमले कुल संक्रमित ४ हजार ६ सय १४ पुगेका छन् ।
जसमध्ये ३२९ महिला र ४२८५ पुरुष छन् । यसअघि हिजो दुई सय ७९ कोरोना भाइरसका संक्रमित थपिएका थिए ।
हिजो संक्रमित सख्या ४ हजार ३ सय ६४ पुगेको थियो । यसैगरी, कोरोना संक्रमितमध्ये डाटा हेर्दा खेरी महिलाको तुलनामा पुरुषको संख्या १३ गुणाले बढी रहेको देखिन्छ ।
