कोरोना संक्रमित ३२३ जना थपिए
नेपालमा पछिल्लो समयमा कोरोना संक्रमण तिब्र गतिमा बढ्दोक्रम रहेको अवस्थामा गएको २४ घण्टामा थप ३२३ जनामा कोरोना भाइरसको संक्रमण पुष्टि भएको छ । यससँगै संक्रमितको संख्या ४ हजार नाघेको छ ।
हालसम्म देशभर ५८४ जना कोरोना संक्रमित उपचारपछि डिस्चार्ज भएका छन् । पछिल्लो २४ घण्टामा ९६ जनाले कोरोना भाइरसको संक्रमण जितेका छन् ।
हालसम्म कोरोना भाइरसको आशंकामा पीसीआर १ लाख ६ हजार ३३१ वटा नमुना संकलन गरेर परीक्षण गरिएको मन्त्रालयले जनाएको छ ।
स्वास्थ्य तथा जनसंख्या मन्त्रालयका अनुसार मंगलबार पहिलो पटक इलाम जिल्लामा पनि कोरोना संक्रमित भेटिएका छन् ।
योसँगै कोरोना संक्रमण फैलिएको जिल्लाको संख्या ७२ पुगेको छ
