अहिलेसम्म नेपालमा कोरोना सङ्क्रमितको सङ्ख्या ६८२ पुग्यो, ४ जनाको मृत्यु
पछिल्लो समयमा नेपालमा पनि कोरोना संक्रमण दिनप्रतिदिन बढ्दोक्रम रहेको अवस्थामा अहिलेसम्म कोराना सङ्क्रमित हुनेको सङ्ख्या ६ सय ८२ पुगेको छ ।
सोमबार दिउँसो थप ७ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
सङ्क्रमितमध्ये अहिलेसम्म १ सय १२ जना निको भएका छन् भने ४ जनाको ज्यान गएको छ ।
मन्त्रालयका प्रवक्ता डाक्टर विकास देवकोटाका अनुसार सेती अस्पतालको प्रयोगशाला भेरी अस्पताल र नारायणी अस्पतालको प्रयोगशालामा गरिएको परीक्षणमा सङ्क्रमण देखिएको हो ।
मन्त्रालयका अनुसार अछामका एक, बर्दियाका तीन, बाराका एक र पर्साका एक जनामा कोरोना सङ्क्रमण पुष्टि भएको हो ।
त्यस्तै बाराका एक जना मृतकमा पनि आज नै कोरोना पुष्टि भएको छ । सोमबार बिहान ७२ र अहिले सात गरी आज एकैदिन ७९ जनामा सङ्क्रमण पुष्टि भएको हो ।
