कोरोनाबाट मृत्यु भएकी महिलाको पशुपति विद्युतीय शवदाह गृहमा दाहसंस्कार
कोरोनाभाइरस (कोभिड १९) बाट मृत्यु भएकी बागमती प्रदेश स्थित सिन्धुपाल्चोकको बाह्रविसे-९ स्थित चालिसे गाउँकी महिलाको दाहसंस्कार गरिएको छ । नेपाली सेनासहित नेपाल प्रहरी र सशस्त्र प्रहरी समेतको टोलीले स्कर्टिङ गरेर अन्त्येष्टिका लागि पशुपति पुर्याएका थिए ।
सुरक्षाका उपाय अपनाउँदै कार्यविधिअनुसार सुरक्षाकर्मी, स्वास्थ्यकर्मीसहितको टोलीले शव अन्त्येष्टिको लागि लगिएको हो । शव पशुपतिस्थित विद्युतीय शवदाह गृहमा अन्त्येष्टि गरिएको छ ।
जिल्ला प्रशासन कार्यालय काभ्रेले कोभिड-१९ का कारण मृत्यु भएका व्यक्तिहरुको शव व्यवस्थापनसम्बन्धी कार्यविधि अनुसार उनको अन्त्येष्टि गर्ने व्यवस्था मिलाएको हो ।
९ दिने सुत्केरी महिलाको कोरोनाको कारण मृत्यु भएको स्वास्थ्य मन्त्रालयले औपचारिक पुष्टि गरिसकेको छ । कोरोनाबाट नेपालमा पहिलो पटक मृत्यु भएको हो ।
