लिपुलेकमा सडक निर्माण तत्काल रोक्न र विषयलाई थप गम्भीर नबनाउन भारतलाई नेकपाको आग्रह
सत्तारुढ नेपाल कम्युनिस्ट पार्टी (नेकपा)ले नेपाली भूमि हुँदै भारतले लिपुलेक जोड्ने सडक उद्घाटन गरेको प्रति गम्भीर ध्यानाकर्षण भएको जनाएको छ ।
पार्टी अध्यक्षद्वय केपी शर्मा ओली तथा पुष्पकमल दाहाल ‘प्रचण्ड’ द्वारा जारी गरिएको विज्ञप्तिमा भारतको यो कार्यले नेपालको सार्वभौमिकतालाई कमजोर आँकिएको ठहर नेकपाले गरेको उल्लेख गरिएको छ ।
पार्टीले तत्काल सो क्षेत्रमा सडक निर्माण कार्य रोक्न र विषयलाई थप जटिल बनाउने गतिविधि रोक्न भारतलाई आग्रह गरेको छ ।
