अर्घाखाँचीमा हावाहुरीले ९ घरको छाना उडायो, २५लाखभन्दा बढीको क्षति
प्रदेश नं ५ स्थित अर्घाखाँचीको शीतगंगा नगरपालिकाका ९ घरका छानो हावाहुरीले उडाएको छ ।
त्यसबाट २५ लाखभन्दा बढीको क्षति भएको छ । वडा नम्बर ४, १० र १२ आएको हुरीले आफ्नो घरको छानोसहित ९ जनाको घर र सात जनाको गोठको छानो उडाउँदा लाखौँको क्षति भएको जिल्ला समन्वय समिति सदस्य बलेन्द्र विश्वकर्माले बताए ।
हुरीले उडाएको छानाले दुई मोटरसाइकल तथा एउटा जिपमा समेत क्षति पुगेको छ । वडा नम्बर ८ मा केरा खेतीमा क्षति पुगेको छ । यस्तै वडा नम्बर १० मा केही घरगोठ हुरीले उडाएको छ ।
