बहराइनमा थप ८८ जना नेपालीलाई कोरोना संक्रमण पुष्टि,२४५ संख्या पुग्यो
पछिलो समयमा कोरोना भाइरसको माहामारीले विश्वलाई नै थलापारीरहेको अवस्थामा बहराइनमा थप ८८ जना नेपालीलाई कोरोना सङ्क्रमण भएको छ ।
योसँगै बहराइनमा कोरोना सङ्क्रमित नेपालीको संख्या २४५ पुगेको त्यहाँ रहेको नेपाली दूतावासले जनाएको छ ।सङ्क्रमित सबै नेपालीको अवस्था सामान्य रहेको र बहराइन सरकारले नै उपचार गरिरहेको दूतावासले जनाएको छ ।
बहराइनमा अहिलेसम्म १ हजार ९ सय ५० जनामा कोरोना सङ्क्रमण भएको छ । बहराइनमा ८ जनाको कोरोनाका कारण मृत्यु भएको छ ।
जसमध्ये १ हजार ७ सय ६२ जना निको भएका छन् । सङ्क्रमितमध्ये कति नेपाली निको भए भनेर खुलाइएको छैन ।
