प्रधानमन्त्रीसहित उच्चस्तरीय समितिको बैठक आज बालुवाटारमा बस्दै, लकडाउनबारे निर्णय हुन सक्ने
प्रधानमन्त्री केपी ओलीसहित कोरोना रोकथाम तथा नियन्त्रण उच्चस्तरीय समन्वय समितिको बैठक आज बालुवाटारमा बस्दै छ ।
प्रधानमन्त्री तथा मन्त्रिपरिषद्को कार्यालय सिंहदरबारमा बस्दै आएको बैठक आज भने प्रधानमन्त्री निवास बालुवाटारमा बस्ने समितिका सदस्य तथा प्रधानमन्त्री कार्यालयका सचिव नारायणप्रसाद बिडारीले जानकारी दिए ।
समितिको बैठकमा प्रधानमन्त्री केपी शर्मा ओली पनि सहभागी हुने छन् । बैठकले लकडाउन खुकुलो पार्ने या कडाइ गर्ने भन्नेबारेमा निर्णय गर्न सक्ने बिडारीले बताए ।
समन्वय समितिले कोरोनाको सङ्क्रमण नदेखिएका ठाउँमा लकडाउन केही खुकुलो बनाउने र सङ्क्रमण देखिएका ठाउँमा कडाइ गर्ने गरी कार्ययोजना बनाइरहेको छ ।
पछिल्लो समयमा नेपालमा पनि कोरोना संक्रमित बढ्दै गइरहेको बेला अहिलेसम्म ८२ जनाको कोरोना भाइरस सङ्क्रमण पुष्टि भएको छ । १६ जना सङ्क्रमित निको भइ घरर्फकिएका छन् ।
