विश्वभरि कोरोनाबाट २ लाख २८ हजारभन्दा धेरैको मृत्यु, ३२ लाख २० हजारभन्दा बढी संक्रमित
यतिबेला कोरोना भाइरसले विश्वमुलुकलाई आतंकित बनाइरहेको बेला विश्वभरि अहिलेसम्म २ लाख २८ हजारभन्दा धेरैको मृत्यु भएको छ ।
विश्वभरि अहिलेसम्म ३२ लाख २० हजार जनाभन्दा धेरैमा सङ्क्रमण पुष्टि भएको छ , विश्व जस मध्ये विभिन्न देशमा १० लाखभन्दा धेरै कोरोना भाइरस (कोभिड- १९) सङ्क्रमित निको भएको वल्डोमिटरले जनाएको छ।
।
त्यस्तै सङ्क्रमितमध्ये १९ लाख ९० हजारभन्दा धेरैको उपचार भइरहेको छ । उपचार गराइरहेकामध्ये ३ प्रतिशतको अवस्था जटिल रहेको र बाँकीको अवस्था सामान्य रहेको वल्डोमिटले जनाएको छ ।
गएको २४ घण्टामा विभिन्न देशमा साढे ६ हजारभन्दा धेरैको मृत्यु भएको छ । ज्यान गुमाउने र सङ्क्रमित हुनेको सङ्ख्या सबैभन्दा धेरै संयुक्त राज्य अमेरिकामा छ ।
अमेरिकामा ज्यान गुमाउनेको सङ्ख्या साढे ६१ हजार पुगिसकेको छ ।अमेरिकामा गएको २४ घण्टामा मात्रै २३ सयभन्दा धेरैको ज्यान गएको छ । १० लाख ६३ हजारभन्दा धेरैमा सङ्क्रमण पुष्टि भएको छ ।
इटलीमा साढे २७ हजारभन्दा धेरै, बेलायतमा २६ हजारभन्दा धेरै, स्पेन र फ्रान्समा २४ हजारभन्दा धेरैको ज्यान गएको छ ।
भारतमा ३३ हजारभन्दा धेरैमा कोरोना पुष्टि भएकोमा १ हजारभन्दा धेरैको ज्यान गएको छ ।
