पार्टी फुटाउन समाजवादी पार्टीका सांसद तथा पुर्वमन्त्री सुरेन्द्र यादवको अपहरण!
समाजवादी पार्टीका सांसद तथा पुर्वमन्त्री डाक्टर सुरेन्द्र यादवको अपहरणको खबर छ ।
पार्टी फुटाउने प्रकरणमा उनको अपहरण भएको बताईएको छ ।
समाजवादी पार्टीका अध्यक्ष उपेन्द्र यादवले सरकारले नै उनको अपहरण गराएको आरोप लगाएका छन् ।
उनको अपहरणको पुष्टि गर्दै यादवले आफ्नो पार्टी फुटाउन जवर्जस्ती हस्ताक्षर गराउनका लागि उनको अपहरण भएको बताए ।
यादवलाई स्थल मार्ग हुँदै जनकपुरबाट काठमाडौं ल्याउन लागिएको बताईएको छ ।
यादव महोत्तरीबाट निर्वाचित प्रतिनिधि सभा सदस्य हुन् ।
यता समाजवादी पार्टीका परिषद अध्यक्ष डाक्टर बाबुराम भट्टराईका स्वकीय सचिव समेत रहेका पार्टी प्रचार बिभाग प्रमुख विश्वदीप पाण्डेले पनि खबरको पुष्टि गरेका छन् ।
उनले लेखेका छन् :
आज वैशाख १० गते साँझ ५.० बजे पूर्व स्वास्थ्य राज्यमन्त्री तथा समाजवादी पार्टीका केन्द्रीय सदस्य डा. सुरेन्द्र यादवलाई प्रम ओलीको ठाडो आदेशमा काठमाण्डौबाट गएको प्रहरी टोलीले जनकपुरबाट अपहरण गरेर पार्टी फुटाउने प्रयोजनकालागि काठमाण्डौतिर लगेको छ!
