भारतमा कोरोना सङ्क्रमित संख्या १९ हजार ९ सय नाघ्यो, ६ सय ४० जनाको मृत्यु
पछिल्लो समयमा छिमेकी देश भारतमा कोरोना संक्रमण बढ्दोक्रमा रहेको अवस्थमा कोरोनाबाट ६ सय ४० जनाको मृत्यु हुनुका साथैे संक्रमित हुनेको संख्या १९ हजार ९ सय ८४ रहेको छ ।
भारतको परिवार एवं केन्द्रीय स्वास्थ्य कल्याण मन्त्रालयका अनुसार अहिलेसम्म १९ हजार ९ सय ८४ जनामा कोरोना भाइरसको सङ्क्रमण देखिएको भने ६ सय ४० मृत्यु भएको जनाएको हो ।
स्वास्थ्य मन्त्रालयको वेबसाइटका अनुसार सङ्क्रमितमध्ये ३ हजार ८ सय ६९ जना उपचारपछि निको भएका छन् ।
साथै भारतमा कोरोना परीक्षणका लागि प्रयोग हुने र्यापिड डायग्नोस्टिक टेस्ट (आरडीटी) बाट सही नतिजा नआएपछि २ दिनका लागि आरडीटीबाट गरिने कोरोना परीक्षण रोक्न भनिएको छ ।
एक पटक किटको जाँच गरिने र त्यसपछि मात्र परीक्षणको अनुमति दिने बताइएको छ ।
