उदयपुरमा थप एक जना ३३ वर्षका पुरुषमा कोरोना संक्रमण भएको पुष्टि
प्रदेश नं १ स्थित उदयपुरमा अर्को एक जनामा पनि कोरोना संक्रमण पुष्टि भएको छ ।
यसअघि उदयपुरको त्रियुगा नगरपालिकाको एक मस्जिदमा बसेका १३ जनामा कोरोना संक्रमण पुष्टि भएको थियो ।
उनीहरुसँग सम्पर्क भएका व्यक्तिहरुको स्वाब संकलन गरेर काठमाडौं ल्याई परीक्षण गर्दा एक जनामा कोरोना संक्रमण पुष्टि भएको हो ।
स्वास्थ्य तथा जनसंख्या मन्त्रालयका अनुसार उनी ३३ वर्षका पुरुष हुन् ।
