सेती प्रादेशिक अस्पतालमा उपचाररत अर्का कोरोना बिरामी निको भए, आजै डिस्चार्ज गरिने
पछिल्लो समयमा कोरोना संक्रमण बढीरहेको अवस्थामा हाल ३ जना कोरोना सङ्क्रमित उपचारपछि निको भइ घर र्फकिएका छन् । सो सुदरपश्चिम प्रदेश स्थित सेती प्रादेशिक अस्पतालमा उपचाररत अर्का कोरोना सङ्क्रमित पनि उपचारपछि निको भएका छन् ।
सेती प्रादेशिक अस्पतालमा उपचाररत एक पुरुषको पछिल्लो रिपोर्ट नेगेटिभ आएको र उनी स्वस्थ्य भएर आजै डिस्चार्ज हुन लागेको स्वास्थ्य मन्त्रालयले जनाएको छ । योसँगै नेपालमा कोरोना सङ्क्रमित ४ जना उपचारपछि निको भएका छन् ।
मन्त्रालयका प्रवक्ता डाक्टर विकास देवकोटाले सेती प्रादेशिक अस्पतालमा उपचाररत एक पुरुषलाई डिस्चार्जको तयारी भएको जानकारी दिएका छन् ।
अहिले सङ्क्रमित ३१ जना मध्ये टेकु अस्पतालमा १ जना, पाटन, भरतपुर र बाग्लुङमा २/२, सेती प्रादेशिक अस्पताल धनगढीमा ४, वीरगन्जमा ४ र विराटनगरमा १३ जनाको उपचार भइरहेको छ ।
उनीहरु सबैको स्वास्थ्य अवस्था सामान्य रहेको स्वास्थ्य मन्त्रालयले जनाएको छ ।
