हल्लाको भर नपरौं : नेपालमा अहिलेसम्म मात्र १६ जना कोरोना संक्रमित, नयाँ कोही थपिएनन्
देशभित्र बितेको दुई दिनमा कोहि पनि कोरोना भाइरसका नयाँ संक्रमित भेटिएका छैनन् ।
लगातार ७ जना कोरोना भाइरस संक्रमित भेटिएपछि शतर्कता अपनाइएको अवस्थामा नयाँ संक्रमित नभेटिएको हो ।
स्वास्थ्य तथा जनसंख्या मन्त्रालयका प्रवक्ता डा. विकास देवकोटाले कोभिड-१९ को संक्रमण पत्ता लगाउन गरिएको रयापिड डाइग्नोस्टिक टेष्टमा पोजेटिभ आएकाहरुको आरटी पीसीआर गर्दा नेगेटिभ आएको जानकारी दिए ।
उनले हाल संक्रमित संख्या १६ नै रहेको र एकजना उपचारपछि घर फर्किएको बताए । १५ जना उपचारका क्रममा रहेको बताए ।
वीरगञ्जको छपकैयामा गरिएको रयापिड टेष्ट ४ सयजनाको भएको र सबैजना नेगेटिभ नतिजा आएको बताए ।
