यस्ता थिए बाल्यकालमा बलिउड स्टारहरु

- नागरिक टाइम्स/संवाददाता

१ बैशाख २०७७, सोमबार ००:००

हिजोआज लकडाउन चलिरहेकोले धेरैजसो कलाकार फुर्सदमा छन्। उनीहरु घरमा खाली बसिरहेका छन्। ती मध्येका धेरै आफ्नो बाल्यकालको सम्झना ताजा बनाइरहेका छन्।

सामाजिक सञ्जालमा अहिले कलाकारको बाल्यकालको तस्बिरहरु सार्वजनिक भईरहेका छन्। अभिनेत्री दीपिका पादुकोणले आफ्नो काकाको छोरा र बहिनीसँग बसेको  एक तस्बिर सार्वजनिक गरेकी छन्। यो तस्बिरमा उनी धेरै राम्री देखिएकी छन्।

उनीहरु कहिँ भोजमा सहभागी भएको देखिन्छन्। यसमा उनीहरुको उमेर ६-७ वर्षको जस्तो देखिन्छ।

‘पानीपत’ कलाकार अर्जून कपूरले ‘वर्ड सिब्लिङ डे’ मा इस्टाग्राममा धेरैओटा तस्बिरहरु सार्वजनिक गरेका छन्। ती मध्येको एक तस्बिरमा अभिनेत्री सोनम कपूर र हर्षवर्द्धन कपूर देखिएका छन्। अर्को तस्बिर अर्जूनको किशोर अवस्थाको छ। यतिबेला अर्जुन एकदमै मोटो थिए।

इन्स्टाग्राममा केही दिन अगाडिमात्र आफ्नो एकाउन्ट बनाएकी अभिनेत्री करीना कपूर खानले पनि आफ्नो पुरानो तस्बिरहरुलाई पोस्ट गरेकी छिन्। उनले सार्वजनिक गरेको तस्बिरमा करिश्मा कपूर, रणवीर कपूर र रिद्धिमा कपूर पनि देखिएका छन्।

यस्तै ‘वल्ड सिवलिङ डे’ को मौकामा स्वेता बच्चनले अभिषेक बच्चनसँग आफ्नो बाल्यकालको तस्बिर सार्वजनिक गरेकी छन्। यो तस्बिर श्यामश्वेत छ।

अभिनेत्री कंगना रनौटकी बहिनी रंगोली चंदेलले पनि लगातार आफ्नो पुरानो तस्बिरहरु सार्वजनिक गरिरहेकी छन्। उनले कंगनाको पुरानो तस्बिर हालै सार्वजनिक गरेकी छन्। उनीसँग ‘कजन’ भाईहरुपनि छन्।