कोरोना उद्गम स्थल वुहान सहर ७६ दिनपछि खुल्यो
अहिले विश्वमाहामारीको रुपमा फैलिरहेको कोरोना भाइरसको उत्पति स्थल चीनको वुहान सहर ७६ दिन पछि आज बुधबारदेखि लकडाउन खुलेको छ ।
चीनले जनवरी २३ देखि वुहानलाई लकडाउन गरेको थियो भने अन्तर्राष्ट्रिय सञ्चारमाध्यमका अनुसार मंगलबार मध्यरातिदेखि वुहानको लकडाउन हटाइएको हो ।
७६ दिनसम्मको लकडाउन अवधिभर वुहानका बासिन्दालाई खाद्यान्न खरिद वा अन्य अत्यावश्यक कामको लागि मात्र बाहिर जाने अनुमति थियो
लकडाउन खुलेसँगै यहाँका मानिसहरुले कुनै विशेष अनुमति बिना नै बाहिर घुम्न पाउनेछन् । यो सहरमा एक करोड १० लाख मानिसको बसोबास छ ।
चीनमा भाइरसका ८२ हजारभन्दा धेरै संक्रमित भेटिइसकेका छन् भने भाइरसबाट अहिलेसम्म चीनमा ३ हजार ३ सयभन्दा धेरै मानिसको मृत्यु पनि भइसकेको छ ।
तर, पछिल्लो समय चीनमा निरन्तर नयाँ संक्रमितको संख्यामा कमी आइरहेको छ ।पछिल्लो समय चीनमा कोरोना भाइरसको महामारी बिस्तारै नियन्त्रणमा आएसँगै चीनले लकडाउन हटाउन थालेको हो ।
लामो समयको लकडाउन हटेसँगै कर्मचारीहरुले सडकमा राखिएका अवरोध हटाएका छन् । हाईस्पीड ट्रेनले पनि सेवा सुरु गरेको छ ।
वुहान सहर मुख्यगरी चीनको ओद्योगिक केन्दको रुपमा रहेको छ । विशेषगरी साना ठूला उद्योगको लागि बढी चर्चित वुहान शहर मानिन्छ ।
उक्त शहरमा धेरै ठूला उद्योग सुचारु भइसकेका छन् भने साना तथा मझौला सचारु गर्न संर्घष गरीरहेको अवस्थामा छन् ।
यस्ता उद्योगलाई सहयोग गर्न सरकारले २ अर्ब ८० करोड डलरको सहुलियत ऋणको व्यवस्था गर्ने निर्णय गरेको छ ।
