प्रधानमन्त्री ओलीले राष्ट्रका नाममा आज बिहान ११ बजे सम्बोधन गर्दै
प्रधानमन्त्री केपी शर्मा ओलीले आज मङ्गलबार बिहान ११ बजे राष्ट्रका नाममा सम्बोधन गर्ने भएका छन् ।
प्रधानमन्त्रीका प्रेस सल्लाहकार सूर्य थापाले सामाजिक सञ्जालमा टिव्टरमा यसबारेमा लेखेका छन् । उनका अनुसार प्रधानमन्त्रीले बालुवाटारबाटै सम्बोधन गर्ने जानकारी दिएका छन् ।
प्रधानमन्त्रीको सम्बोधन नेपाल टेलिभिजनबाट प्रत्यक्ष प्रसारण हुने सूर्य थापाले जानकारी दिए ।
प्रधानमन्त्रीको सम्बोधन कोरोना भाइरसको सङ्क्रमण र त्यसको रोकथामका लागि सरकारले गरिरहेको प्रयासका बारेमा केन्द्रित हुने बताइएको छ ।
