कोरोना त्रास : आजदेखि धनगढीका बजार पूर्ण रुपमा बन्द
अहिले विश्नमुलुक नै कोरोना आतंकसित युद्ध गरिरहेको अवस्थामा नेपामा पनि कोरोना संक्रमित बढ्दोक्रमा रहेको छ । सो कोरोनाका थप तीन संक्रमित भेटिएपछि आजदेखि सुदुरपश्चिम प्रदेश स्थित कैलालीको धनगढी बजारमा अस्पताल बाहेक सबै क्षेत्र पूर्ण रुपमा बन्द भएका छन् ।
आज बजारमा कुनै पनि पसल खुलेका छैनन् । धनगढी उपमहानगरपालिकाले शनिबार विज्ञप्ति प्रकाशन गर्दै सम्पूर्ण पसल बन्द गर्ने निर्णय गरेको थियो ।
यस अवधिमा अत्यावश्यक दैनिक उपभोग्य वस्तु होम डेलिभरी गर्न उद्योग वाणिज्य संघ कैलाली, किराना व्यवसायी संघ कैलाली, दुग्ध व्यवसायी, तरकारी व्यवसायीलगायत सबैमा आग्रह गरिएको छ ।
