अमेरिकाद्वारा आफ्ना नागरिक लैजान कतार एअरवेज जहाज चार्टर्ड, मङ्गलबार जहाज नेपाल आउँदै
कोरोना भाइरसको रोकथाम तथा नियन्त्रण गर्नको लागि सरकारले यति बेला देशभरी लकडाउन गरिरहेको छ । सो अवस्थामा अमेरिकाल आफ्ना नागरिक लैजान जहाज चार्टर्ड गरेको छ ।
आफ्ना नागरिक लैजान अर्को चार्टर्ड उडानको पनि तयारी रहेको अमेरिकी दूतावासले जनाएको छ । नेपालमा रहेको अमेरिकी दूतावासका अनुसार चार्टर्ड गरेको कतार एअरवेजको जहाज ३१ मार्च अर्थात् मङ्गलबार नेपाल आउनेछ ।
नेपालबाट उडानको समय १२ बजेलाई तय गरिएको छ । कतार एअरवेजको जहाज काठमाण्डौबाट दोहा हुँदै अमेरिकाको डल्लास एअरपोर्ट पुग्नेछ ।
यस्तै नेपालका विभिन्न स्थानमा रहेका अमेरिकी नागरिकलाई नेपाल पर्यटन बोर्डको सहकार्यमा काठमाण्डौ ल्याउने काम भइरहेको पनि दूतावासले जनाएको छ ।
यसअघि युरोपेली देशले पनि कतार एअरवेजमार्फत आफ्ना नागरिक स्वदेश लगिसकेका छन्
