भारतको छत्तीसगढमा माओवादी हमला हुदाँ १४ घाइते, १७जवान बेपत्ता
भारतको छत्तीसगढस्थित माओवादी प्रभावित सुक जिल्लामा भएको संदिग्ध माओवादी हमलामा सुरक्षाबलका १४ जवान घाइते भएका छन् । घाइतेमध्ये केहीको अवस्था गम्भीर रहेको बताइएको छ ।
हमलापछि कम्तिमा १७ जवान बेपत्ता भएको बताइएको छ । प्रहरीका अनुसार घना जंगल भएको क्षेत्र भएको कारण आइबार मात्र वस्तुस्थितिको बारेमा यकिन हुने बताएको छ । छत्तीसगढमा यस वर्ष माओवादीको यो सबैभन्दा ठूलो हमला मानिएको छ ।
शनिबार दिउँसो चिन्तागुफाा थानाको कसालपाड र मिनपाको बीचमा संदिग्ध माओवादीहरुले सुरक्षाबलको यो टोलीमाथि हमला गरेको थियो । टोली सर्च अपरेशनपछि फर्किरहेका थिए ।
प्रहरीका अनुसार संदिग्ध माओवादीहरुले सुरक्षाबललाई चारतिरबाट घेरेर कोराज डोङ्गरी पहाडको माथिबाट हमला गरेका थिए ।
प्रहरीका एक अधिकारीले बीबीसीको कुराकानीमा बस्तरमा पछिल्लो समय माओवादीविरुद्ध ‘अपरेशन प्रहार’ नामक विशेष अभियान चलाइएको जानकारी दिए ।
यही अभियानका लागि शुक्रबार एसटीएफ र डीआरजीका जवानहरुको एक टोली दोरनापालबाट निक्लिएको थियो । बुरकापालमा यो टोलीमा सीआरपीएफका जवान पनि शामिल भएका थिए ।
दुई पक्षबीच केही घण्टाको मुठभेडपछि यस हमलामा घायल केही जवानलाई उनका साथीले घटनास्थलबाट बाहिर निकाल्न सफल भएका थिए । उनीहरुलाई एयरलिफ्ट गरेर राजधानी रायपुरको एक निजी अस्पतालमा भर्ती गरिएको थियो ।
कसालपाड त्यही क्षेत्र हो जहाँ सन् २०१४ मा माओवादीको हमलामा परेर सीआरपीएफको २२३ औँ बटालियनका १४ जवान मारिएका थिए ।
घना जंगलबाट घेरिएको कसालपाड नजिकै रहेको मिनपा क्षेत्रमा प्रहरीले कयौँ पटक आफ्नो क्याम्प स्थापना गर्ने प्रयास गरे पनि माओवादीहरुको लगातार हमलापछि आफ्नो निर्णय फिर्ता लिन बाध्य बनेका थिए ।
छत्तीसगढमा पछिल्लो वर्ष माओवादी हिंसामा कमी आएको थियो । तर, सरकारको तमाम दाबी बीच माओवादीले पुनः आफ्नो शक्ति प्रदर्शन गरेको छ
