एकैदिन कोरोनाबाट १६ सयभन्दा बढीको मृत्यु, ३१ हजार संक्रमित थपिए (विवरण सहित)
चीनबाट फैलिएर विश्वब्यापी बनेको कोरोना भाइरसको संक्रमणबाट एकैदिन कोरोनाबाट १६ सयभन्दा बढीको मृत्यु, ३१ हजार संक्रमित थपिएका छन् ।
इटालीमा एकैदिन शनिबार करिब ८ सयको मृत्यु भएको छ। विश्व स्वास्थ्य संगठनका अनुसार इटालीमा मृत्यु हुने संख्या सधैं रेकर्ड बनिरहेको छ।
WHO का अनुसार शनिबार ७ सय ९३ जनाको मृत्यु भएको हो। त्यस्तै ६ हजार ५ सयभन्दा बढी संक्रमित व्यक्ति भेटिएको छ।
योसँगै इटालीमा मृत्यु हुनेको संख्या सबैभन्दा धेरै ४ हजार ८ सय २५ पुगेको छ। यो चीनभन्दा करिब १ हजार ६ सयले बढी हो। त्यस्तै इटालफीमा संक्रमित हुनेको संख्या ५३ हजार ५ सय नाघेको छ।
त्यस्तै इटालीपछि शनिबार कोरोना भाइरसबाट मर्नेको संख्या स्पेनमा पनि बढेको छ। त्यहाँ एकैदिन २ सय ८५ जनाको मृत्यु भएको छ भने करिब ४ हजार संक्रमित व्यक्ति थपिएका छन्।
त्यसपछि इरानमा शनिबार १ सय २३ जनाको मृत्यु भएको छ भने करिब १ हजार संक्रमित व्यक्ति थपिएका छन्।
त्यस्तै युरोपियन मुलुक फ्रान्समा शनिबार १ सय १२ जनाको मृत्यु भएको छ भने १ हजार ८ सय बढी संक्रमित व्यक्ति थपिएका छन्।
बेलायतमा पनि शनिबारमात्रै ५६ जनाको मृत्यु भएको छ भने एक हजार बढी संक्रमित व्यक्ति थपिएका छन्। त्यहाँ मर्नेको संख्या २ सय ३३ पुगेको छ भने संक्रमित हुनेको संख्या ५ हजार नाघेको छ।
विश्व स्वास्थ्य संगठनका अनुसार पछिल्लो २४ घन्टामा कोरोना भाइरसको संक्रमणबाट १ हजार ६ स बढीको मृत्यु भएको छ भने ३१ हजार बढी संक्रमित व्यक्ति थपिएका छन्।
यो संगै विश्वभर कोरोना भाइरसको संक्रमणबाट मर्नेको संख्या १३ हजार नाघेको छ भने संक्रमित हुनेको संख्या ३ लाख नाघेको छ।
अहिलेसम्मको Kovid-19 सार्क अपडेट :
नेपाल -१ (सरकारले पुष्टि नगरेको तर निको भइसकेको)
भुटान – २
मालदिप्स – १३
बाङ्गलादेश – २४ (मृत्यु -४)
अफगानिस्तान -४११ (मृत्यु २४)
श्रीलंका -७७ (मृत्यु -४)
भारत -३३२ (मृत्यु -५)
पाकिस्तान -६४५-(मृत्यु -३)
छर-छिमेक वरपरको अवस्था यस्तो छ, तसर्थ अफवाहमा नलागाऔं, सावधान बसौं ।।
