बलिउड अभिनेत्री सोनम कपुर आइसोलेसनमा
बलिउड अभिनेत्री सोनम कपुर आइसोलेसनमा बसेकी छन्। लन्डनबाट भारत फर्किएका उनी आफ्नै घरमा आइसोलेसनमा बसेकी हुन्।
पतिसँगै भारत विमानस्थलमा उत्रिएका उनीहरुको कडा चेकिङ गरिएको थियो। उनले इन्स्टाग्राममा पोष्ट गर्दै विमानस्थलमा धेरै स्थानमा स्वास्थ्य परीक्षण भएको उल्लेख गरेकी छन्।
भारत सरकारले पनि विदेशबाट आउने यात्रुहरुलाई सेल्फ क्वारेन्टाइनमा बस्न सल्लाह दिएको छ। त्यसैका लागि सोनम कपुर आफू आइसोलेसनमा बसेको बताएकी छन्।
उनले मास्क लगाएको तस्बिर सार्वजनिक गर्दै विश्वभरि फैलिरहेको कोरोना भाइरसबाट बच्न सबैलाई आग्रह गरेकी छन्।
