मलेसियामा पनि कोरोना संक्रमितको संख्या ४२८ पुग्यो
कोलालम्पुर : मलेसिया नोभेल कोरोना भाइरस अर्थात कोभिड-१९ बाट १९० जना नयाँ संक्रमित भेटिएको बताइएको छ ।
एक धार्मिक कार्यक्रमका लागि मस्जिदमा उपस्थित १० हजारभन्दा बढी मानिसहरु उपस्थित रहेकाहरु संक्रमित भएको पाइएको आइबार जनाइएको छ ।
मलेसियन स्वास्थ्य अधिकारीका अनुसार उक्त धार्मिक कार्यक्रममा फेब्रुअरी २७ देखि मार्च १ सम्म करिब १६ हजार मानिसहरु उपस्थित भएका थिए । जसमा १४ हजार पाँच सय मलेसियन रहेको बताइएको छ ।
मलेसियामा कोरोना संक्रमितको संख्या ४२८ पुगेको स्वास्थ्य मन्त्रालयले जारी गरेको विज्ञप्तिमा भनिएको छ ।
उक्त धार्मिक कार्यक्रममा सहभागी भएका र उनीहरुसँग नजिक रहेकालाई १४ दिनको अनिवार्य क्वारेन्टाइनमा रहन मन्त्रालयले आग्रह गरेको छ ।
