शेयर बजार खस्किएसँगै सुनको भाउ आज तोलामा ३ हजारले घट्यो
नेपाली बजारमा सुनको भाउ शुक्रबार तोलामा३ हजार रुपैयाँले घटेको छ । सुनको भाउ शुक्रबार तोलाको ७८ हजार ५ सय रुपैयाँमा झरेको नेपाल सुनचाँदी व्यवसायी महासङ्घले जनाएको छ ।
बिहीबार तोलामा ८ सय रुपैयाँ घटेर सुनको भाउ तोलाको ८१ हजार ५ सय रुपैयाँमा कारोबार भएको थियो । यस्तै चाँदी तोलामा ४० रुपैयाँ घटेर तोलाको ८ सय २० रुपैयाँमा कारोबार भइरहेको छ ।
कोरोना भाइरसका कारण अन्तर्राष्ट्रिय बजारमा शेयर कारोबार खस्किएसँगै सुनचाँदीको भाउ घटेको महासङ्घले जनाएको छ ।
