थारु सिंगिङ स्टारको फाइनल अडिसन दुहबीमा समपन्न
सुनसरीको दुहबीमा एक नम्बर प्रदेश स्तरिय थारु सिंगिङ स्टारको फाइनल अडिसन दुहबीमा समपन्न भएको छ । माघ ११ गतेबाट सुरु भएको थारु सिंगिङ स्टारको फाइनल अडिसन शनिवार दुहबी पाटी प्यालेसमा समपन्न भएको हो ।
गाईघाट, झुम्का, नेता चौक, विर्तामोड र दुहबीमा थारु सिंगिङ स्टारको अडिसनबाट ६९ जना छनौट गरिएकोमा फाइनल अडिसनबाट २० जना छनौट गरेर लाइभ राउण्डबाट टप टेन छनौट गरिदै फाइनल राउण्डमा ५ जनालाइ समावेस गराइने आयोजक बिबेकशिल थारु यूवा समुह सुनसरी÷मोरङका अध्यक्ष राजेश भगतले बताए ।
माघ ११ गते सादा भोकलबाट सुरु भएकोगायनको फाइनल अडिसन रिदम सहित भएको थियो । गढी गाउँपालिकाकी उपाध्यक्ष राजकुमारी चौधरीको प्रमुख आतिथ्यतामा भएको उक्त फाइनल अडिसन कार्यक्रममा अतिथिहरु अधिवक्ता हरिनारायण चौधरी,थारु विद्यार्थी समाजका पूर्व अध्यक्ष भोलाराम चौधरी, रमेश थारु लगायत थारु अगुवा तथा कलाकारहरु लगायतको उल्लेखनीय सहभागिता रहेको थियो ।
हौली परिवार, थारुके आवाज लगायत संघ संस्थाहरुको सहयोगमा हुँने थारु सिंगिङ स्टारबाट थारु यूवा यूवतीलाइ देश बिदेशमा पहिचान गराउँने उदेश्यले थारु सिंगिङ स्टारको आयोजना गरेको अध्यक्ष भगतले जनाए । फाइनल अडिसनको निर्णायकमा गायक तथा संगितकार रामा मंडल,गायिका गिता चौधरी र गायक तथा संगितकार जिवन चौधरी रहेका थिए ।
