जानिराख्नुहोस् ! एकादशीमा बाल गोपाल सँगै अमलाको पूजाको विधि
गोपाललाई एकादशीमा सुगन्धित फूलहरूको पानीले पूजा गर्नु पर्छ साथै पहेलो वस्त्र चढाउनु पर्छ ।शुक्रवार, मार्च ६ फाल्गुन महिनाको शुक्ल पक्षको एकादशी हो । यसलाई अमालाकी एकादशी भनिन्छ । यस दिन अमलाको रूखको विशेष पूजा गरिन्छ । अमला भगवान विष्णुको एक रूप मानिन्छ ।
यसैले यस एकादशीमा अमलाको पूजा गर्ने परम्परा रहेको छ । एकादशीमा भगवान विष्णुको लागि उपवास राखिन्छ । यस तिथिमा, भगवान विष्णु र उनका अवतारहरूको विधि —विधान साथ पूजा गर्नुपर्दछ । यहाँ जान्नुहोस् बाल गोपालको साधारण पूजा विधि अर्थात् श्री कृष्णको पूजा विधि.
१) एकादशीमा बिहान सबेरै उठ्नुहोस् र स्नान पछि विधिवत गणेशको पूजा गर्नुहोस् । पूजा अघि हात धुनुहोस् अनि श्री कृष्णको हात धोएर पूजा सुरु गर्नुहोस, पूजाको लागि सुगन्धित फूलहरू भएको पानी प्रयोग गर्नुहोस् ।
२)श्रीकृष्णलाई गौमाता विशेष मन पर्नुको कारण बाल गोपालसँगै गौमाताको मूर्ति पनि राख्नु पर्छ । साथै गौमाताको पनि पूजा गर्नु आवश्यक हुन्छ ।
३)बाल श्रीकृष्णको लागि सुन्दर मुद्रा प्रयोग गर्नुपर्दछ । यसको रंग उज्यालो हुनुपर्छ जस्तै रातो, पहेंलो, सुन्तला रङ्ग उत्तम मानिन्छ । भगवानलाई पीताम्बरधारी भनिएको छ, त्यसैले पहेलो वस्त्र चढाउनु पर्छ ।
४)श्री श्रीकृष्णको खुट्टा धुनु पर्छ र खुट्टा धुने भाँडोलाई पद्या भनिन्छ । पूजा गर्नु अघि सफा पानी र फूलको पंखुलाहरू खुट्टामा राख्नुहोस् र प्रभुको खुट्टा धुनुहोस् । दूध, दही, घीउ, मह र चिनीको मिश्रण गरेर पञ्चमृत बनाउनुहोस् । यसलाई शुद्ध भाँडामा भर्दै परमेश्वरलाई अर्पण गर्नुहोस् । तुलसी बिना प्रसाद अर्पण नगर्नुहोस् ।
५)श्री श्रीकृष्णको पूजा गर्दा मन्त्र जपिरहनु पर्छ ।
६)दुर्वा, कुमकुम, चामल, अबीर, सुगन्धित फूल र शुद्ध पानीलाई पञ्चोपचार भनिन्छ ।यी सबै पूजामा समावेश हुनु आवश्यक छ ।
श्री कृष्णको पूजामा चढाइएको भोगमा ताजा फलफूल, मिठाई, लडुस, मिश्री, खीर, तुलसी पात र फलहरू सामेल गर्नुुपर्छ । बाल गोपालको पूजामा गाईको दूधबाट बनेको घीउ प्रयोग गर्नुपर्दछ । बत्तीहरूका लागि पनि घीउनै प्रयोग गर्नुपर्छ ।
