कोरोना भाइरस : विश्व बैंकले गर्यो १३ खर्ब राहत प्याकेजको घोषणा
कोरोना भाइरसद्धारा ग्रसित विकासशील राष्ट्रका लागि १२ बिलियन अमेरिकी डलर(१३ खर्ब रुपैया) विश्व बैंकले राहत प्याकेजको घोषणा गरेको छ ।
यो संकटको घडीमा देशहरुले आफ्ना जनताको स्वास्थ्यमा सुधार गर्न सकून् भन्ने उद्देश्य सहित यस्तो निर्णय गरिएको विश्व बैंकले बताएको छ ।
संसारभरीका नेताले कोरोना भाइरसको संक्रमणपछि निम्तिने आर्थिक समस्याबाट आफ्नो देशलाई बचाइदिन गरेको आग्रहपछि विश्व बैंकले यस्तो निर्णय लएिको हो ।
संस्थाले गरिब र कोरोना भाइरस संक्रमणको जोखिममा रहेका देशलाई प्राथमिकतामा राख्ने बताएको छ ।
आपतकालीन प्याकेजमा अनुदान, प्राविधिक सहयोग र ऋण समावेश छन् ।
कोरोना संसारभरीका ७६ वटा देशमा फैलिसकेको छ ।
‘हामी रोग सर्न नदिने कसरतमा छौं,’ विश्व बैंक ग्रुपका अध्यक्ष डेभिड माल्पासाले बीबीसीलाई भने ।
प्याकेजको आधा रकम नीजि क्षेत्रसँग काम गर्दै आएको बैंकको अन्तरराष्ट्रिय बित्तिय निगमबाट प्राप्त गरिएको छ भने १२ बिलियन डलरको करिब ४ बिलियन डलर भने पहिलै नै उपलब्ध रकमबाट तानिएको छ ।
