कोरोना भाइसको कारण नेकपाको प्रदेशस्तरीय भेला तथा प्रशिक्षण स्थगित
सत्तारुढ दल नेपाल कम्युनिस्ट पार्टी (नेकपा) ले प्रदेशस्तरीय भेला तथा प्रशिक्षण कोरोना भाइरस संक्रमणको जोखिमका कारण स्थगित गरेको छ ।
नेकपा कन्द्रीय कमिटीका निर्णय अनुसार मङ्गलबार झापामा प्रदेश १ स्तरीय भेला तथा प्रशिक्षण आयोजना गरिएको थियो । सरकारले आइतबार मात्रै सभा, सम्मेलन लगायतका कुनै पनि कार्यक्रम नगर्न आह्वान गरेकाले गर्दा यो कार्यक्रम स्थगित गरिएको नेकपा प्रदेश १ का अध्यक्ष देवराज घिमिरेले जानकारी दिए ।
उनले ‘अहिले यस्तो अवस्थामा भेला तथा बैठक गर्न उपयुक्त नहुने देखेर पुर्व निर्धा्रित कार्यक्रम स्थगित गरिएको हो ।उपयुक्त समयमा फेरि अर्को निर्णय गरेर कार्यक्रम राखिनेछ’ भनी जानकारी दिए ।
पशिक्षणका लागि नेकपा अगुवा कार्यकर्ता झापा पुगिसकेका थिए । नेकपाले प्रदेश १ को कार्यकर्ता भेला तथा प्रशिक्षण कार्यक्रम झापाको बिर्तामोडमा आयोजना गरेको थियो ।
