भारतीय प्रधानमन्त्री मोदीले दिए ओलीलाई सफल मिर्गौला प्रत्यारोपणका लागि शुभकामना
प्रधानमन्त्री ओलीलाई मिर्गौलाको सफल प्रत्यारोपणको लागि भारतीय प्रधानमन्त्री नरेन्द्र मोदीले आफ्नो ट्विटरमार्फत् सोमबार बिहान शुभकामना दिएका छन् ।
भारतीय प्रधानमन्त्री मोदीले प्रत्यारोपणपछि चाँडो स्वास्थ्य लाभ गर्न पनि प्रधानमन्त्री ओलीलाई शुभकामना दिएका हुन् । उनले भगवान पशुपतिनाथले तपाईंलाई राम्रो स्वास्थ्य, सुखी र धेरै लामो जीवन प्रदान गरोस् भन्ने शुभेच्छा पनि मोदीले आफ्ना नेपाली समकक्षीका लागि प्रकट गरेका छन् ।
प्रधानमन्त्री ओलीको मिर्गौला प्रत्यारोपण आउँदो बुधबार महाराजगञ्जको मनमोहन कार्डियोथोरासिक सेन्टरमा हुने तय भएको छ । १२ वर्ष अघि पहिलो पटक भारतमा मृगौलाको पहिलो प्रत्यारोपण गरेको थियो ।
यो दोस्रो पटक मिर्गौला प्रत्यारोपणका लागि उनी आज सोमबार सेन्टरमा भर्ना हुने छन् ।
