प्रचण्डलाई जुत्ता हान्ने व्यक्तिको पहिचान खुल्यो, को हुन् रतन तिरुवा ?
काठमाडौं : नेपाल कम्युनिस्ट पार्टीका अध्यक्ष पुष्पकमल दाहाल प्रचण्डलाई जुत्ता प्रहार गर्ने युवकको पहिचान खुलेको छ ।
अध्यक्ष दाहाललाई गर्ने जुत्ता प्रहार गर्ने व्यक्ति जुम्ला सिञ्जाको रतन तिरुवा रहेका प्रहरीले जनाएको छ ।
आइतबार राष्ट्रिय सभागृहमा आयोजित भरतमोहन अधिकारीको प्रथम स्मृतिसभामा संबोधन गरेर आफ्नो सिटमा फर्किने क्रममा तिरुवाले दर्शक दीर्घाबाट प्रचण्डमाथि जुत्ता प्रहार गरेका थिए ।
तर उनको जुत्ता मञ्चसम्म पुगेन र प्रचण्डलाई लाग्न पाएन ।
तिरुवा लोक सेवा आयोगको परीक्षा तयारीमा थिए । उनका बाबु मोहन तिरुवा सशस्त्र द्वन्द्वमा ज्यान गुमाएका थिए ।
दाहाल लक्षित गरिएको जुत्ता प्रहारपछि तिरुवालाई प्रहरीले पक्राउ गरेको थियो
