सिजि उघोगले सिंचाईको निर्देशन विपरित सडकमा गाडी चलाउदै
सुनसरी मोरङ सिंचाई अन्तर्गत रहेको सितागंञ्ज शाखाको नहरमा भारवहान सबारी चलाउन निषेध गरेपनि सिजि कम्पनिले खुलेआम सबारी साधन चलाउने गरेको भेटिएको छ ।
सुनसरी मोरङ सिंचाई आयोजनाले सुनसरीको गढी गाँउपालिका अन्तर्गतको औरावनी छिटाह जोड्ने नहरको ग्राबेल सडकमा हलुका सबारी साधन मात्र चल्ने भनेर गाँउपालिकालाई पत्रचार गरेकोे थियो । तर योजनाको निर्देशन बिपरित गढी गाउँपालिका २ मा पर्ने सिजि कम्पनिको उघोगले निर्वाध रुपमा ठुला सबारी साधन चलाउने गरेको भेटिएको हो ।
भारवहान सबारी साधन चल्दा नयाँ सडक भत्कने र बनेका संरचनामा क्षति पुग्ने भन्दै आयोजनाले जल उपभोक्ता संस्था सितागंञ्ज शाखालाई समेत पत्र काटेर बाटो सरक्षण गर्न निर्देशन दिएको थियो । तर सितागंञ्ज शाखाले बाटोको संरक्षण गर्नुपर्ने ठाँउमा सिजि कम्पनिको उघोगसँगको मिलेमतोमा सबारी चलाउने गरेको स्थानियको आरोप छ ।
टेम्पु मोटरसाइकल जस्ता हलुका सबारी चलाउनु पर्ने सडकमा अहिले सिजि कम्पनिको उघोगमा आबश्यक पर्ने कच्चा पदार्थ ओसार्न ठुला ट्रक आउने जाने गरेको आबस्था छ । दैनिक १०–१५ वटा भारवहान सबारी साधन सिंचाईको सडकहुदै निर्बाध रुपमा चल्ने गरेको स्थानिय श्यामदेव साहले बताए ।
सिंचाई आयोजना र जिल्ला प्रशासन कार्यालय सुनसरीलाई यो बिषयमा जानकारी गराउदा समेत चासो नदेखाएकोे उनले बताए ।
सिंचाई र प्रशासन कार्यालयले पनि सितागंञ्ज शाखालाई पत्र लेखि सडकमा भारवहान सबारी चल्न नदिन र सडकको संरचना बचाउन आबश्यक पहल गर्न बिभिन्न मितिमा पत्र काटेको थियो । तर सितागंञ्ज शाखा र गढी गाँउपालिकाले सडकमा भारवहान सबारी रोक्न चासो नदिएको साह बताउछन् ।
‘दिने भए सबैलाई सबारी साधनलाई सडकमा चल्न दिनुपर्छ नभए एउटा उघोगको लागि नियम मिच्न कदापी पाइदैन्’ साहले भने । सडक सरंक्षण गरौ भन्दा उल्टै मलाई अहिले धाक धम्कीको मुद्धा उघोग र गाँउपालिकाले लगाएको छ, हामीले नियम एउटै हुनुपर्छ भन्दा दोषी कसरी हामी हुने ?
सडकमा नियम अनुसार सबारी साधन चल्नु पर्ने बिषयमा गढी गाँउपालिकाले पनि कुनै पहल नगरेको साहको भनाई छ । गाँउपालिका पनि उघोगसँग मिलेको उनको आरोप छ ।
साहलाई अहिले सिजि कम्पनिको उघोगमा आउने भारवहान सबारी साधनलाई अबरोध गरेको भन्दै जिल्ला प्रहरी कार्यालय सुनसरीमा निवेदन परेको छ । साहले जल उपभोक्ता संस्था सितागंञ्ज शाखाको ढाटमा अबरोध गरेको र कर्मचारीलाई धम्काएको भन्दै साहलाई कारबाहीको माग शाखाले गरेको छ ।
सितागंञ्ज शाखा नहरका अध्यक्ष तपन कुमार दासले भने सडकमा नियम अनुसारनै सबारी साधन चल्ने गरेको दाबी गरे । भर्खरै हस्तानतरण भएको सडकको सुरक्षाको लागि ढाड समेत राखेर हलुका सबारी साधनलाई मात्र जान दिइएको उनको भनाई छ ।
सिजि कम्पनिले भने यस बिषयमा कुनै प्रतिकृया दिन मानेन । उक्त उघोगमा बाईबाई चाउचाउ उत्पादन हुने गर्छ ।
