अमेरिकी वैज्ञानिकहरुको दाबी, पत्ता लाग्यो कोरोना भाइरसविरुद्धको खोप
अमेरिकी बायोटेक फर्म मोडर्नाले कम्पनीले कोरोना भाइरस विरुद्धको खोप बनाएर अमेरिकी सरकारका अनुसन्धानकर्ताहरूलाई पठाएको जानकारी दिएको छ ।
त्यो खोप प्रयोग गर्न योग्य भएको बताएको समाचार संस्था सीएनएनले जनाएको हो । सम्भावित खोपको पहिलो परीक्षण आउँदो अप्रिल महिनामा सुरु हुन सक्ने तर परीक्षण र अनुमोदनको प्रक्रिया कम्तीमा एक वर्षसम्म रहने पनि कम्पनीले जनाएको छ ।
यसैबीच कोरोना भाइरसको कारण ज्यान गुमाउनेको सङ्ख्या २ हजार ७ सय ६४ पुगेको छ । चीनमा मात्र पछिल्लो २४ घण्टामा थप ५२ जनाले ज्यान गुमाउन पुगेका थिए । सो ज्यान गुमाउनेको सङ्ख्या २ हजार७ सय १५ पुगेको जनाएको छ ।
चीनबाहिर कम्तीमा ४९ जनाले कोरोनाको कारण ज्यान गुमाएका छन् । इटलीमा ११ जना तथा दक्षिण कोरियामा १० जनाले ज्यान गुमाएको बीबीसीले जनाएको छ । कोरोनाबाट सङ्क्रमितको सङ्ख्या झण्डै ८१ हजार पुगेको छ ।
