एका विहानै कर्णाली नदीमा मङ्गलबार जीप खस्दा चालक खड्काको मृत्यु
कर्णाली प्रदेश स्थित कालीकोटको रास्कोट नगरपालिकाबाट जितेगडाका लागि छुटेको जीप कर्णाली नदीमा खस्दा एक जनाको ज्यान गएको छ । उक्त जीपलाई अहिले नदीबाट निकाल्ने प्रयास भइरहेको छ ।
मङ्गलबार बिहान यात्रु झारेर लु १ ज ४१४१ नम्बरको जीप फर्काउने क्रममा कर्णाली नदीमा खसेको थियो । जीप नदीमा खस्दा चालक दैलेख गुराँसे गाउँपालिका ४ घर भएका १९ वर्षीय चक्रबहादुर खड्काको ज्यान गएको जिल्ला प्रहरी कार्यालय कालिकोटले जनाएको छ ।
