दाङ पुगेर महराले भने-‘आफूलाई अझै पनि फसाउने षड्यन्त्र भइरहेको छ’
हालै निलम्बन फुकुवा भएका सांसद तथा पुर्ब सभामुख कृष्णबहादुर महरा ले आफ्नो निर्वाचन क्षेत्र प्रदेश ५ स्थित दाङ पुगेर आफूलाई फसाउने गिरोह अझै पनि षड्यन्त्र गरिरेको बताएका छन् ।
महराले आफु तीन महिनाको भुमरिबाट बाहिर निस्कन सफल भएको भन्दै आफुलाई षड्यन्त्र गर्ने गिरोह अझैपनि सक्रिय रहेको बताए । सो अवसरमा पुर्ब सभामुख महराले आफुलाई सहयोग गर्ने, शुभेच्क्षा प्रकट गर्ने सबैलाई धन्यबाद प्रकट गरेका थिए ।
महराले यो घटनाबारे आफु अहिले केही नबोल्ने भन्दै आफु मतदाताहरु भेट्न निर्वाचन क्षेत्रमा जान लागेको बताए ।
उनले आफु जिल्लाको विकासमा निरन्तर लागिपर्ने समेत बताएका थिए ।
पुर्ब सभामुख महरालाई गृह जिल्ला दाङका विभिन्न स्थानहरुमा भब्य स्वागत र सम्मान गरिएको छ ।
महरालाई दाङको लालमटिया, सिसहनिया, लमही र घोराहीमा नागरिकहरुले भव्य स्वागत गरेका थिए।
सोमबार काठमाण्डौबाट दाङपुग्ने क्रममा भालुबागङमा समाज र दंगाली जनताहरुले बाजागाजा,अबिर, खादा र मालाले भब्य स्वागत गरेका थिए ।
