बालुवाटारमा प्रधानमन्त्रीलाई रातो गुलाबको माला
प्रधानमन्त्रीको ६९ औँ जन्मदिनको शुभअवसरमा बालुटारमा विशेष कार्यक्रम गरिएको छ ।
आइतबार बिहान प्रधानमन्त्रीको सचिवालय र केही नेताहरुको आयोजनामा विशेष कार्यक्रम गरिएको छ ।
कार्यक्रममा उपप्रधान तथा रक्षामन्त्री ईश्वर पोखरेल र नेकपा संसदीय दलका उपनेता सुवासचन्द्र नेम्वाङले प्रधानमन्त्री ओलीलाई रातो गुलाबको माला पहिराइदिएका थिए ।
सचिवालयका उपस्थित सदस्यहरुले जन्मदिनको केक काटेका छन् । जन्मदिनको शुभअवसरमा प्रधानमन्त्रीको जीवनी झल्काउने ६ मिनेटको भिडियो पनि प्रदर्शन गरिएको प्रधानमन्त्रीका प्रेस सल्लाहकार सूर्य थापाले जानकारी दिएका छन् ।
बालुवाटारको भेटघाट सकेपछि प्रधानमन्त्री ओली आफ्नो जन्मथलो तेह्रथुमको आठराई गएका छन् ।
