माहा शिवरात्रीको अबसर पारेर दुहबी वडा नम्बर ९ मा वडा अध्यक्ष मेहदि हुसैनले गरे शिव मन्दिरको समुदघाटन
सुनसरीको दुहबी वडा नम्बर ९ स्थित इटा भट्टा छेउमा माहा शिवरात्रीको अबसर पारेर सो वडाका वडाअध्यक्ष एबम नेपाली काङ्ग्रेस सुनसरी क्षेत्र नम्बर ३ का सभापति मेहदि हुसैनले शिव मन्दिरको समुदघाटन गर्नु भएको छ । शिव पन्चायन मन्दिर निर्माण समितीका अध्यक्ष थानेस्वर ओझाको अध्यक्षतामा सम्पन्न शिव मन्दिरको समुदघाटन कार्यक्रमका प्रमुख अतिथी मेहदि हुसैनले रिबन काटेर समुदघाटन गर्नु हुँदै हिन्दु मुस्लिम भाइचारा कायम राख्नु पर्नेमा जोड दिनु भयो ।
उक्त कार्यक्रमका बिशिस्ट अतिथी दुहबी ८ का वडाअध्यक्ष तारिकचन्द सरदार र दुहबी वडा नम्बर ९ का वडा सदस्य सतिस कुमार चौधरीले शुभकामना मन्तब्य दिनु भयो । बिशिस्ट अतिथी दुहबी वडा नम्बर ८ का वडा सदस्य बिनय दाहालले स्वागत मन्तब्य दिनु भयो । समुदघाटन कार्यक्रममा समाज सेवि,वडावासी लगायतको उल्लेखनीय सहभागिता रहेको थियो ।
