सुनको मूल्य २ सयले घट्यो, बुधबार तोलाको ७५ हजार ७ सय
सुनको मूल्य २ सय रुपैयाँले घटेर प्रतितोला ७५ हजार ७ सय रूपैयाँ भएको छ ।
गत आइतबार र सोमबार प्रतितोला ७६ हजार रहेको सुन मंगलबार ७५ हजार ९ सयमा कारोबार भएको थियो। नेपाल सुन चाँदी व्यवसायी महासंघका अनुसार बुधबार चाँदीको मूल्यमा पनि ५ रुपैयाँले कमी आएर प्रतितोला ८ सय ७५ रूपैयाँ भएको छ।
गत आइतबार यताका तीन दिन चाँदी प्रतितोला ८ सय ८० रूपैयाँमा कारोबार भएको थियो। अन्तर्राष्ट्रिय बजारमा बुधबार बिहानसम्म सुन प्रतिऔंस १५६९.९० डलरमा कारोबार भइरहेको थियो ।
