दुहबी नगरपालिकाको छैंटो नगर सभा सम्पन्न
प्रदेश एक स्थित सुनसरीको दुहबी नगरपालिकाको छैंटो नगर सभा सम्पन्न भएको छ ।
नगर प्रमुख बेदनारायण गच्छदारको अध्यक्षतामा भएको सभाले नगर कार्यपालिकाबाट स्वीकृत विभिन्न ऐन, नियम, कार्यविधि पास गरेको छ ।
उक्त सभामा नगर प्रमुख गच्छदारले पौष मसान्त सम्मको नीति तथा कार्यक्रमको समिक्षा सहित बजेट प्रतिवेदन पेश गर्नुभएको थियो । नगर प्रमुख गच्छदारले आर्थिक वर्ष २०७६/०७७ पौष मसान्त सम्मको नगर स्तरिय सम्पूर्ण विकास निर्माणका योजनाहरु ठेक्का लागिसकेको जानकारी दिनुहुँदै वार्षिक योजना र वहुवर्षिय योजना अन्तर्गतका कामहरु सन्तोषजनक रहेको दावी गर्नुभयो । दुहबीलाइ नमूना नगरको रुपमा स्थापित गर्न कुनै कसर बाँकी न राखेकोले नगर स्तरिय महत्वकांक्षी
योजनाहरुको बारेमा जानकारी दिदैं मेयर गच्छदारले जनप्रतिनिधि र कर्मचारीहरु एक भएर इमानदारिता पूर्वक काम गर्न निर्देशन दिनुभयो ।
सभामा पेस भएका विषयवस्तु माथि दुहबी नगरपालिकाका वडाध्यक्षहरु, वडा सदस्यहरुले आ–आफ्नो सवालहरु राख्नु भएको थियो । छैंटो नगर सभाको समापन कार्यक्रममा उप प्रमुख सुनिता दाहाल(साह) प्रमुख प्रशासकीय अधिकृत आन्नदराज पोखरेल,वडाध्यक्षहरु,कार्यपालिका सदस्यहरु,वडा सदस्यहरु तथा कर्मचारी पत्रकारहरुको सहभागिता रहेको थियो।
