नेपालले सुरुवातमा सफलता हात पार्न सफल: करणले लिए विकेट
आइसीसी क्रिकेट वर्ल्ड कप लिग टु अन्तरगत नेपाल र ओमान बीचको खेल यतिबेला खेल भइरएको छ ।
त्रिभुवन विश्वविद्यालयस्थित क्रिकेट मैदानमा भएको एकदिवसीय खेलमा नेपालले टस जितेर पहिले फिल्डिङ गर्ने निर्णय लिएको छ ।
ओमान सन् २०१२ पछि नेपाल खेल्न आएको छ । सन् २०१३ यता नेपालले उसलाई हराउन सकेको छैन । घरेलु मैदानको फाइदा लिँदै ओमानलाई हराउने दाउमा नेपाल रहेको छ । नेपालले शनिबार अर्को टोली अमेरिकासँग खेल्दैछ । अमेरिका सन् २०१० पछि नेपाल आएको हो ।
खेलमा नेपालले सुरुवातमा सफलता हात पार्न सफल भएको छ । करण केसीले जतिन्दर सिंहलाई ४ रनमा बोल्ड गर्न सफल भएका छन् । ४ ओभरको खेल समाप्त हुँदा ओमानले एक विकेटको क्षतिमा १० रन बनाएको छ ।
एकदिवसीय मान्यता पाइसकेपछि नेपालले पहिलोपटक घरेलु मैदानमा सिरिज खेल्दैछ ।
.
