सलमान खानको कार्य अर्बौं रुपैयाँ कमाउने, उधारो खाने
दश वर्ष भयो सलमान खानले खेलेका प्रत्येक फिल्मले एक सय करोडभन्दा बढी कमाएको । पछिल्ला दशक उनका हरेक फिल्मले सय करोड क्लबमा प्रवेश पाएका छन् । सलमान बलिउडमा सबैभन्दा बढी कमाउने अभिनेतामा पनि पर्छन् ।
तर, उनले पनि कसैको उधारो तिरेका छैनन् भन्दा तपाईँलाई विश्वास नलाग्न सक्छ । हो, वर्षमा अर्ब रुपैयाँ कमाउने सलमानले पनि कसैलाई उधारो तिर्न बाँकी छ । यो खुलासा अरु कसैले गरेको होइन, स्वयं सलमानले नै गरेका हुन् ।
एक साइकल मेकानिक्सलाई १.२५ भारतीय रुपैयाँ उधारो तिर्न बाँकी रहेको सलमानले खुलासा गरेका हुन् । सलमानले यो खुलासा मुम्बई प्रहरीको वार्षिक कार्यक्रम ‘उमंग २०२०’ मा सहभागी हुने क्रममा गरेका हुन् ।
‘एक पटक म शर्ट लगाएर निस्केको थिएँ र मसँग पैसा थिएन। मैलै काकालाई यसलाई मर्मत गरिदिनोस् पछि पैसा दिन्छु भने । काकाले मलाई भन्नुभयो- ‘सानोमा पनि तिमी यस्तै गर्थ्यौ । तिमीले धेरै पहिला यसरी नै साइकल बनाएका थियौं, जसको पैसा आजसम्म तिरेका छैनौं । तिम्रो आज पनि १.२५ रुपैयाँ उधारो छ ।’
उहाँको यो कुरा सुनेपछि मलाई लाज लाग्यो,’ सलमानले कार्यक्रममा भने । सलमान पछिल्ला दिन ‘राधे-योर मस्ट वान्टेड भाइ’ फिल्मको सुटिङमा व्यस्त छन्। उनको यो फिल्म २०२० को इदमा रिलिज हुँदैछ ।
