डा. युवराज खतिवडा राष्ट्रपति मार्फत राष्ट्रियसभा सांसद बन्दै, अर्थमन्त्री कायम रहने
सरकारको अर्थमन्त्रीको रुपमा डा. युवराज खतिवडा नै कायम रहने भएको छ । यसअघि राष्ट्रियसभा उनी राष्ट्रपति मार्फत मनोनित भएका सदस्य हुन् ।
तर केहि दिनपछि उनको कार्याकाल समाप्त हुँदैछ भने पुनः उनलाई राष्ट्रपति मार्फत नै मनोनित गराउने तयारीमा प्रधानमन्त्री केपि शर्मा ओली रहेको बुझिएको छ ।
सेयर बजारमा भने उनको बारेमा बिभिन्न खालको हल्ला रहेको छ । उनी मन्त्री पदबाट हट्दैछन् भन्दै बढेको हल्लाले सेयर बजारमा उच्च बृद्धि समेत भएको छ ।
तर राष्ट्रिय सभा सदस्यमा खतिवडा पुनः नियुक्त हुन लागिएको श्रोतको दावी छ । सदस्य नरहेपनि आगमी २० भदौ सम्म उनी नै मन्त्री रहने देखिन्छ ।
नेपाल कम्युनिस्ट पार्टी (नेकपा) ले राष्ट्रिय सभाका सदस्यका उम्मेदवार सुचिमा डा. खतिवडाको नाम नराखेपछि उनको बारेमा बिभिन्न चर्चा फैलिएको हो ।
खतिवडा राष्टपतिबाट मनोनित भएर राष्ट्रिय सभा सद्स्य बनेका हुन् । राष्ट्रपतिबाट मनोनित तीनजनामध्ये खतिवडाको कार्यकाल फाल्गुमा सकिदै छ ।
खतिवडालाई पुनः निरन्तरता दिने सम्बन्धमा अधिल्लो सचिवालय बैठकमा प्रधानमन्त्री समेत रहेका नेकपा अध्यक्ष केपी ओलीले आफ्नो धारणा राखिसकेपछि अर्थमन्त्रीमा खतिवडाले नै निरन्तरता पाउने बल पुगेको हो ।
समाचार स्रोतले बताए अनुसार ओलीले खतिवडालाई आगामी बर्षको बजेट निमार्णको तयारीमा जुट्न समेत निर्देशन दिईसकेका छन् । उनको निर्देशन बमोजिम खतिवडा बजेट निमार्णको गृहकार्यमा जुटेको समेत स्रोतकोे दाबी छ ।
सरकारले गरेका काम कारबाहीका बिषयमा तथ्याङकसहित बलियो रुपमा बचाउ गर्ने खतिवडा यतिखेर प्रधानमन्त्रीका पहिलो रोजाईको मन्त्री समेत रहेको देखिन्छ ।
प्रधानमन्त्रीका तर्फबाट अन्तराष्ट्रिय दाताहरुसंग समेत खतिवडाले आफै वार्ता गर्दे आएका छन् । विकास साझेदारसंग राष्ट्रिहितको विषयमा कडा र स्पष्ट अडान लिन सक्ने अर्थमन्त्रीको छवि खतिवडाले बनाएका छन् ।
