दुहबीकि ममताको हत्या भएको मृतकका भाइको दाबी
प्रदेश एक स्थित सुनसरीको दुहबीमा अचेत अवस्थामा भेटिएकी ममता तब्दारको हत्या भएको मृतकका भाइले दाबी गरेका
छ्न । दुहबी ११ स्थित सिमरबोना गाउँ निवासी ३० बर्षिय अविवाहित महिला ममता कुमारी तव्दार आइतबार साँझ ६ बजे अचेत अवस्थामा घर छेउमा भेटिएकी थिइन ।
उनको नोवेल अस्पतालमा उपचाररत वुधवार राती मृत्यु भएको थियो । मृतकका भाइ दिवाकर तब्दार नोवेल अस्पतालमा मेडिसिन विभागमा कार्यरत छन । दिवाकर तब्दारका अनुसार ममतालाइ उपचार गर्ने नोवेल अस्पतालका डक्टरसँगको कुराकानीमा बिरामीको प्रवृती हेर्दा हत्या भएको हुन सक्ने आशंका गरेको बताए ।
घटनावारे सोमवार संचारकर्मीसँगको कुराकानीमा दिवाकर तब्दारले आफ्नो दिदीलाइ गम्भिर चोट लागेको र घाँटी रेटिएको देखिएकोलेहत्यानै भएको दावी गरेका छन । आइतवार वेलुका घाँस काट्न गएकी ममता अवेर साँझ सम्म घर न आएपछि खोजतलास गर्ने क्रममा आफ्नै घरदेखि ५० मिटर छेवमा रहेको एनसेल टावर छेवमै अचेत अवस्थामा अनुहार तथा जिउभरिमा चोट लागेको र मुख बटारिएको शंकास्पद अवस्थामा भेटिएको ममताको दाहा संस्कार भइसकेको पारिवारिक स्रोतले बताएको छ ।
मुचुल्का उठाइ सकेको ममताको मृतक शबलाइ पोष्टमार्टमकोलागि कोशी अञ्चल अस्पताल पठाइएको घटनाको अनुसन्धान भइरहेको इलाका प्रहरी कार्यालयका प्रहरी निरीक्षक प्रबिण कार्कीले बताए ।
