माघ ९ गते हुने राष्ट्रिय सभा सदस्य निर्वाचनका लागि सातवटै प्रदेशमा उम्मेदवारी मनोनयन दर्ता
आगामी माघ ९ गते हुने राष्ट्रिय सभा सदस्य निर्वाचनका लागि आइतवार सातवटै प्रदेशमा उम्मेदवारी मनोनयन दर्ता भएको छ ।
प्रदेशस्थित सातवटै निर्वाचन अधिकृतको कार्यालयमा ४५ जनाको उम्मेदवारी मनोनयन दर्ता भएको छ ।
अब हुने सात वटा प्रदेशमा महिा समूहतर्फ सात, दलिततर्फ दुई, अपाङ्गता भएका व्यक्ति वा अल्पसंख्यक समूहतर्फ दुई र अन्य समूहतर्फ सात गरी जम्मा १८ रिक्त पदका लागि मतदान हुँदैछ ।
त्यसका लागि महिला समूहतर्फ १६, दलिततर्फ ५, अपाङ्गता भएका व्यक्ति वा अल्पसंख्यक समूहतर्फ ५ र अन्यतर्फ १९ गरी ४५ जनाले मनोनयन पत्र दर्ता गराएका छन् । गोरखापत्र दैनिकमा खबर छ ।
