शैक्षिक प्रमाणपत्र छानबिन हुन थालेपछि एसपी राजेन्द्र गुरुङको राजीनामा
शैक्षिक योग्यताको प्रमाणपत्रमाथि छानबिन शुरूभएपछि नेपाल प्रहरीको ब्यान्ड गुल्म केन्द्रीय संगीत विद्यालयका प्रमुख एसपी राजेन्द्र गुरुङले राजीनामा दिएका छन् । घरायसी कारण देखाउँदै तीन दिनअघि उनले पदबाट राजीनामा दिएका हुन् ।
नेपाल प्रहरीका केन्द्रीय प्रवक्ता डिआइजी शैलेश थापा क्षेत्रीले एसपी गुरुङले राजीनामा दिएको पुष्टि गरे । ‘एसपी राजेन्द्र गुरुङले पदबाट राजीनामा दिएका हुन् । पत्रमा घरायसी कारण भन्ने उल्लेख छ,’ उनले भने ।
प्रहरी स्रोतका अनुसार गुरुङले प्रवीणता प्रमाणपत्र तहको प्रमाणपत्र पेस गरी सइबाट नेपाल प्रहरीको संगीत विद्यालयमा सेवा शुरूगरेका थिए । उनले कुनै एकेडेमिक अध्ययन गरेका भने होइनन् ।
नेपालकै एक निजी संगीत कला केन्द्रमा केही समय संगीत सिकेका गुरुङले सोही संस्थाको प्रमाणपत्रलाई आइएसरह भन्दै जागिर प्रवेश गर्दा बुझाएका थिए । सो प्रमाणपत्र त्रिभुवन विश्वविद्यालयबाट ‘इक्विभ्यालेन्ट’ भएको भन्दै उनले प्रहरी प्रधान कार्यालयमा पेस गरेका थिए । प्रहरीमा सेवा शुरूगर्दा उनको उमेर ३५ वर्ष थियो ।
सोही प्रमाणपत्रका आधारमा उनी इन्स्पेक्टर, डिएसपी हुँदै एसपीसम्म भए । अहिले उनी विद्यालयको एसएसपी पदमा एक्ला प्रतिस्पर्धी थिए । नेपाल प्रहरीले उनैका लागि विद्यालयमा एसएसपी पदको नयाँ दरबन्दी थप गर्ने निर्णय गरेको थियो ।
त्रिविको पत्रपछि नैतिक संकटमा गुरुङ
गुरुङको शैक्षिक योग्यताको प्रमाणपत्रविरुद्ध उजुरी परेपछि प्रहरीले आन्तरिक रूपमा छानबिन गरेको थियो । छानबिनका क्रममा नेपाल प्रहरीले उनले बुझाएको प्रमाणपत्र ‘इक्विभ्यालेन्ट’ भए÷नभएकोबारे त्रिभुवन विश्वविद्यालयलाई पत्र लेखेको थियो ।
नयाँ पत्रिकामा खबर छ ।
