मलद्वारमा सुन लुकाएर ल्याउने भारतीय नागरिक विमानस्थलबाट पक्राउ
मलद्वारमा सुन लुकाएर ल्याउने एक भारतीय नागरिक त्रिभुवन अन्तर्रा्ष्ट्रिय विमानस्थलबाट पक्राउ परेका छन् ।
अन्तर्रा्ष्ट्रिय विमानस्थल सुरक्षा कार्यालयले आधा किलो सुनसहित भारतको महाराष्ट्र बस्ने हरिराम सुनिललाई मङ्गलबार बिहान पक्राउ गरेको हो ।
दुबई एयरलाइन्सबाट दुबई हुँदै नेपाल आउनेक्रममा विमानस्थल चेकजाँच गर्दा उनको साथबाट आधा किलो सुन फेला परेको थियो ।
प्रहरीले थप अनुसन्धान गरिरहेको जानकारी दिएको छ ।
